უკრაინაში კიდევ ერთი ქართველი მებრძოლი დაიღუპა

საქართველოს საგარეო საქმეთა სამინისტრომ 18 ნოემბერს „სამოქალაქო საქართველოს“ დაუდასტურა, რომ უკრაინაში ბრძოლის დროს კიდევ ერთი ქართველი მებრძოლი, ნიკა გელენიძე დაიღუპა.

მედიის ინფორმაციით, იგი ბახმუტის მახლობლად მოკლეს.

არაოფიციალური გამოთვლით, 2022 წლის 24 თებერვალს, უკრაინაში ომის დაწყებიდან დღემდე, რუსეთის წინააღმდეგ ბრძოლებისას საქართველოს 42 მოქალაქე დაიღუპა.