საქართველოს ლიდერები თურქეთში მომხდარი ტრაგედიის გამო მწუხარებას გამოთქვამენ
საქართველოს პრემიერმინისტრმა, ირაკლი ღარიბაშვილმა, პარლამენტის თავმჯდომარემ, შალვა პაპუაშვილმა და საგარეო საქმეთა სამინისტრომ მწუხარება გამოხატეს 20 აგვისტოს, თურქეთის სამხრეთ-აღმოსავლეთ პროვინციის, გაზიანთეფის გზატკეცილზე მომხდარი ავტოავარიის გამო, რასაც 16 ადამიანის სიცოცხლე ემსხვერპლა, 20 კი დაშავდა.
მომხდარი ტრაგიკული შემთხვევის გამო „ღრმა“ მწუხარება გამოხატა პრემიერმა ღარიბაშვილმა. „ვლოცულობთ დაშავებულების მალე გამოჯანმრთელებისთვის. ამ რთულ დროს ,საქართველო დგას თურქ ძმებთან და დებთან ერთად“, – დაწერა ირაკლი ღარიბაშვილმა 21 აგვისტოს Twitter-ზე.
Deeply saddened by the news of the tragic accident in #Gaziantep highway. We send our most sincere condolences to the victims & pray for the speedy recovery of the injured. In these difficult times, 🇬🇪stands together with 🇹🇷 brothers & sisters.
— Irakli Garibashvili (@GharibashviliGe) August 21, 2022
ამ „რთულ დროს“ დაღუპულთა ოჯახებსა და თურქ ხალხს მიუსამძიმრა შალვა პაპუაშვილმაც. „ვლოცულობთ დაშავებულთა სწრაფად გამოჯანმრთელებისთვის“, – დაწერა მან ასევე Twitter-ზე 20 აგვისტოს.
Heartbreaking news from #Türkiye on the tragic accident on #Gaziantep–#Nizip highway that took 16 lives. My deepest condolences to the families of the victims and the people of 🇹🇷 in these difficult times. We pray for speedy recovery of the injured. @MustafaSentop
— Shalva Papuashvili 🇬🇪 (@shpapuashvili) August 20, 2022
„… ღრმა მწუხარებას გამოვთქვამთ გარდაცვლილის ოჯახებისა და ახლობლების მიმართ. ყველა დაშავებულს სწრაფ გამოჯანმრთელებას ვუსურვებთ. ამ მწუხარების ჟამს, საქართველო თქვენს გვერდით დგას“, – დაწერა საქართველოს საგარეო საქმეთა სამინისტრომ ასევე 20 აგვისტოს Twitter-ზე.
It was with great sadness that we learned of the loss of lives as a result of the horrible accident in Turkiye. Our heartfelt condolences go out to the families & friends of the deceased. We wish swift recovery to all injured. 🇬🇪stands with you in this time of grief. @MFATurkiye
— MFA of Georgia (@MFAgovge) August 20, 2022
იმავე დღეს, თურქეთში, მარდინის რაიონში მომხდარ კიდევ ერთ ავარიას დამატებით 16 ადამიანის სიცოცხლე ემსხვერპლა, 29 დაშავდა.
This post is also available in: English (ინგლისური) Русский (რუსული)
