ირაკლი ღარიბაშვილი უკრაინის მიმართ მხარდაჭერაზე საუბრობს
საქართველოს პრემიერმინისტრმა, ირაკლი ღარიბაშვილმა 5 მაისს პოლონეთში, დონორთა მაღალი დონის საერთაშორისო კონფერენციაზე – „უკრაინისთვის“ – საქართველოს მხრიდან უკრაინის მხარდაჭერაზე ისაუბრა.
„ჩვენ ვგმობთ რუსეთის სრულმასშტაბიან სამხედრო აგრესიას უკრაინის წინააღმდეგ, რომელიც მკაფიოდ და უხეშად არღვევს საერთაშორისო სამართლისა და გაეროს ქარტიის ფუნდამენტურ პრინციპებსა და ნორმებს“, – განაცხადა ირაკლი ღარიბაშვილმა.
„ჩემი მთავრობა უპირობო სოლიდარობას უცხადებს უკრაინელ ხალხს. ჩვენ მოვახდინეთ ყველა ჩვენი რესურსის მობილიზაცია ამ დამანგრეველი ომის შედეგების შესამსუბუქებლად… ჩვენ მომავალშიც დავუჭერთ მხარს უკრაინას როგორც პოლიტიკური, ისე პრაქტიკული კუთხით, ორმხრივ და მრავალმხრივ ფორმატებში“, – დასძინა მან.
Had an opportunity to participate in High-Level Donors’ Conference for 🇺🇦 in 🇵🇱. Truly an outstanding event that symbolizes international community’s full solidarity with 🇺🇦 & reaffirms our steadfast commitment to rebuild peace & stability in the region & beyond! pic.twitter.com/yq7cYWMJ1t
— Irakli Garibashvili (@GharibashviliGe) May 5, 2022
უკრაინის მიმართ მხარდაჭერა
ირაკლი ღარიბაშვილის განცხადებით, საქართველომ უკვე გამოყო 7 მლნ აშშ დოლარი, უკრაინაში 500 ტონაზე მეტი ჰუმანიტარული ტვირთი გაგზავნა და აგრძელებს ომის შედეგად დაზარალებული და ამჟამად საქართველოში მცხოვრები 28 000 უკრაინელის დახმარება.
მანვე ხაზი გაუსვა, რომ 2022 წლის ბოლომდე უკრაინის დასახმარებლად საქართველო დამატებით 7 მლნ აშშ დოლარს გამოყოფს.
„გარდა ამისა, კერძო სექტორი, არასამთავრობო ორგანიზაციები და მოქალაქეები ასევე სთავაზობენ უკრაინის მოქალაქეებს დაბინავებას, საკვებს, ტანსაცმელს და სხვა სახის დახმარებას“, – აღნიშნა საქართველოს პრემიერმა.
„კვლავ დავძენ, რომ საერთაშორისო საზოგადოების ერთობა უკრაინის აქტიური დახმარების მიმართებით გადაუდებელი და აუცილებლია საკითხია“, – თქვა მან სიტყვის დასასრულს.
კონფერენციას, რომელმაც უკრაინისთვის 6.5 მლრდ ევროს მოზიდვა მოახერხა, პოლონეთის პრემიერმინისტრი, მატეუშ მორავიეცკი მასპინძლობდა, შვედეთის პრემიერ მაგდალენა ანდერსონთან, ევროპის საბჭოსთან და ევროკომისიასთან ერთად.
ასევე წაიკითხეთ:
- უკრაინის პრეზიდენტის მრჩევლისა და საქართველოს ოფიციალური პირების ურთიერთბრალდებები
- საზოგადოების განწყობები უკრაინის, რუსეთისა და საგარეო პოლიტიკის შესახებ
- კიევის თქმით, საქართველო, სომხეთი და აზერბაიჯანი რუსეთს სანქციებისთვის თავის არიდებაში ეხმარება
- პატრიარქის სააღდგომო ეპისტოლე რუსეთ-უკრაინის ომის შესახებ
This post is also available in: English (ინგლისური) Русский (რუსული)
