ახალი ამბები

ქვეყნის პირველი პირები ჯო ბაიდენს აშშ-ის პრეზიდენტად არჩევას ულოცავენ

ქვეყნის პირველი პირები – პრეზიდენტი სალომე ზურაბიშვილი, პრემიერ-მინისტრი გიორგი გახარია და პარლამენტის თავმჯდომარე არჩილ თალაკვაძე ჯო ბაიდენს აშშ-ის საპრეზიდენტო არჩევნებში გამარჯვებას ულოცავენ.

„საქართველოს, კავკასიის რეგიონსა და მსოფლიოს თავისუფალი, ძლიერი და დემოკრატიული ამერიკა სჭირდება. ჩვენ ორ ერს შორის თანამშრომლობისა და კავშირების გაძლიერებისა და გაღრმავებისთვის თქვენთან თანამშრომლობის იმედი მაქვს“, – დაწერა პრეზიდენტმა Twitter-ზე.

სალომე ზურაბიშივლმა ვიცე-პრეზიდენტის პოსტი კამალა ჰარისაც მიულოცა. „როგორც პირველ ქალ ვიცე-პრეზიდენტს შეერთებული შტატების ისტორიაში, მინდა პერსონალურად მოგილოცოთ და წარმატება გისურვოთ“, – დაწერა ზურაბიშვილმა Twitter-ზე.

„ქართველი ხალხის სახელით გამარჯვებას ვულოცავ ამერიკის შეერთებული შტატების ახლად არჩეულ პრეზიდენტს და საქართველოს დიდი ხნის მეგობარ ჯო ბაიდენსა და ახლად არჩეულ ვიცე-პრეზიდენტ კამალა ჰარისს“, – დაწერა ასევე Twitter-ზე პრემიერ-მინისტრმა გიორგი გახარიამ.

„მოუთმენლად ველით აშშ-საქართველოს სტრატეგიული პარტნიორობის შემდგომ გაძლიერებას“, – დასძინა მან.

„ქართველი ხალხის სახელით გამარჯვებას ვულოცავ ამერიკის შეერთებული შტატების ახლადარჩეულ პრეზიდენტსა და საქართველოს დიდი ხნის მეგობარ ჯო ბაიდენსა და ახლადარჩეულ ვიცე-პრეზიდენტ კამალა ჰარისს. მოუთმენლად ველით აშშ-საქართველოს სტრატეგიული პარტნიორობის შემდგომ გაძლიერებას“, – დაწერა Twitter-ზე პარლამენტი თავმჯდომარემ, არჩილ თალაკვაძემ.

This post is also available in: English (ინგლისური) Русский (რუსული)

Back to top button