ახალი ამბები

აშშ-ის სამხედრო ხომალდი ბათუმის პორტს სტუმრობს

Tags

ამერიკული საზღვაო სამხედრო ხომალდი – „პორტერი“ 23 ივნისს ბათუმის პორტში შევიდა. საქართველოში აშშ-ის საელჩოს ინფორმაციით, ვიზიტი „კიდევ ერთხელ უსვამს ხაზს საქართველოსა და აშშ-ს შორის საზღვაო უსაფრთხოებისა და სტაბილურობის სფეროში მიმდინარე თანამშრომლობას“.

„ბოლო რამდენიმე წელია, „პორტერი“ რეგულარულად მუშაობს შავ ზღვაზე, რაც რეგიონის უსაფრთხოებისა და სტაბილურობის მიმართ ჩვენი უცვლელი ერთგულების დასტურია“, – განაცხადა ხომალდის მეთაურმა, ქრეგ ტრენტმა. საქართველოს გარდა, „პორტერი“ თურქ, რუმინელ და ბულგარელ მოკავშირეებსაც ესტუმრება.

ამერიკული ხომალდი – „პორტერი“ Arleigh Burke-ს კლასის მართვადი სარაკეტო გამანადგურებელია. ხომალდს წყალქვეშა ნავებისა და ბალისტიკური რაკეტების მოგერიების სასწავლო წვრთვების ჩატარების შესაძლებლობა აქვს.

„პორტერი“ ამერიკის შეერთებული შტატების საზღვაო ძალების მე-6 ფლოტს ეკუთვნის, რომელიც ნატოს მოკავშირეებთან და პარტნიორებთან თავსებადობის გასაძლიერებლად, შავ ზღვაში ოპერირებისთვის გემებს რეგულარულად აგზავნის.

ამერიკული ხომალდი – “პორტერი” ბათუმში, ფოტო: აშშ-ის საელჩო საქართველოში

ეს ხომალდის მესამე ვიზიტია საქართველოში. მანამდე ამერიკული ხომალდი ქვეყანას 2019 და 2015 წლებში სტუმრობდა.

This post is also available in: English (ინგლისური) Русский (რუსული)

მსგავსი/Related

Back to top button