მთავარი / ახალი ამბები / საპატრიარქო თბილისში მიმდინარე საპროტესტო აქციებს გამოეხმაურა
თბილისის ღამის კლუბების დარბევის წინააღმდეგ საპროტესტო აქცია მიმდინარეობს, 13 მაისი. ფოტო: კადრი ტვ პირველის ვიდეოდან.

საპატრიარქო თბილისში მიმდინარე საპროტესტო აქციებს გამოეხმაურა

საქართველოს საპატრიარქომ თბილისში მიმდინარე საპროტესტო აქციებთან დაკავშირებით განცხადება გამოაქვეყნა.

„ჩვენი მოქალაქეები შესძრა ბოლო დროს თბილისში განვითარებულმა მოვლენებმა.

მიუხედავად იმისა, რომ ნარკოტიკების გამავრცელებლებთან ბრძოლა როგორც ჩვენთვის, ისე ხელისუფლებისა და მთელი მოსახლეობისათვის აუცილებლებლობას წარმოადგენს,  საზოგადოების ნაწილში ჩატარებულმა სპეცოპერაციამ კითხვები გააჩინა (თუმცა, შესაბამის უწყებას ამასთან დაკავშირებით თავისი პოზიცია აქვს); მაგრამ უნდა ითქვას ისიც, რომ უარყოფითი დიდი მუხტი შემოიტანა მთავრობის სასახლის წინ შეკრებილი ახალგაზრდების ნაწილის განცხადებებმა და ქცევამ და წარმოშვა საფუძველი კონტრ-აქციის ჩატარებისა.

სრულიად საქართველოს კათოლიკოს-პატრიარქის ლოცვა-კურთხევით მივმართავთ ყველას, ვინც თავს თვლის საქართველოს ეკლესიის შვილად,  თავი შეიკავონ დაპირისპირებისაგან, რომ არ გახდნენ მიზეზნი სერიოზული პროვოკაციისა“ – ნათქვამია საპაქტრიარქოს განცხადებაში.

This post is also available in: რუსული

About Civil.ge

This is a product produced by Civil.ge team, delivering news and commentary on Georgia since 2001.