საპარლამენტო უმრავლესობის ლიდერები პრეზიდენტს ხვდებიან
მას შემდეგ, რაც ზურაბ ნოღაიდელი პრემიერ-მინისტრობის კანდიდატად დასახელდა, ფრაქცია “ნაციონალური მოძრაობის” წამყვანი დეპუტატები პრეზიდენტ სააკაშვილს 9 თებერვალს კანცელარიაში ხვდებიან. ამ შეხვედრამდე საპარლამენტო უმრავლესობა პარლამენტში თათბირობდა.
ახალი კანდიდატურის წარდგენამ უკვე გამოიწვია აზრთა სხვადასხვაობა. პარლამენტის თავმჯოდმარემ ნინო ბურჯანაძემ 9 თებერვალს ჟურნალისტებთან საუბარში განაცხადა, “მე წინააღმდეგი ვიყავი ზურაბ ნოღაიდელის კანდიდატურის”.
თუმცა, მმართველი პარტიის ლიდერები აცხადებენ, რომ ისინი მხარს დაუჭერენ ნოღაიდელის კანდიდატურას პრემიერ-მინისტრის პოსტზე.
“მე მხარს დავუჭერ ნოღაიდელს. თუმცა მან უნდა გაიაზროს, რომ მხარს ვუჭერთ და თავის მხრივ უარი თქვას იმ სიხისტეზე, რომელიც მას ახასიათებს”, განუცხადა გიგა ბოკერიამ ჟურნალისტებს პრეზიდენტთან შეხვედრის წინ.