დეპუტატების ჯგუფი უგულავას გადაყენებას მოითხოვს

დეპუტატმა ბეჟან გუნავამ “ნაციონალური მოძრაობიდან“ და გიორგი ცანავამ “ახალი მემარჯვენეებიდან” 28 დეკემბერს ერთობლივი პრეს-კონფერენცია გამართეს და სამეგრელო-ზემო სვანეთის გამგებლის გიგი უგულავას გადაყენება მოითხოვეს.

“იგი უპრინციპო ადამიანია, რომელიც არ ითვალისწინებს ხალხის ინტერესებს და ამიტომ უნდა გადადგეს“, განაცხადა ბეჟან გუნავამ.

“იგი მეგრულადაც კი არ საუბრობს; სამეგრელო-ზემო სვანეთის გუბერნატორი მეგრულად აუცილებლად უნდა ლაპარაკობდეს“, აღნიშნა გიორგი ცანავამ.

პრეზიდენტმა სააკაშვილმა გიგი უგულავა სამეგრელო-ზემო სვანეთის გუბერნატორად სექტემბერში დანიშნა. მანამდე მას უშიშროების მინისტრის მოადგილის თანამდებობა ეკავა. 

This post is also available in: English (ინგლისური) Русский (რუსული)