კოდორის ხეობაში არჩევნები ჩატარდა

კოდორის ხეობაში 6 აპრილს საპარლამენტო არჩევნები ჩატარდა. 28 მარტს კოდორში საარჩევნო უბნების გახსნა ვერ მოხერხდა, რადგანაც ცენტრალურმა საარჩევნო კომისიამ უამინდობის გამო ვერ შეძლო იქ საარჩევნო ბიულეტენები ჩაეტანა.

ოფიციალური ინფორმაციით, კოდორის ხეობაში მცხოვრები 1 500 ამომრჩევლიდან არჩევნებში მონაწილეობა 1 000  ამომრჩეველმა მიიღო.

კოდორში საპარლამენტო არჩევნებისთვის სამი საარჩევნო უბანი  გაიხსნა.