სამართალდამცავები პანკისს აკონტროლებენ
(თბილისი, 1 მაისი, “სივილ ჯორჯია”) – “პანკისის ხეობაში ვითარება კრიტიკული არ არის. ჩვენ სიტუაციას ვაკონტროლებთ,” – განაცხადა 1 მაისს შინაგან საქმეთა სამინისტროს ოფიციალურმა წარმომადგენელმა პაატა გომელაურმა გაერო-ს ინტერნეტ-ჟურნალ “სივილ ჯორჯია”-სთვის მიცემულ ინტერვიუში.
უკანასკნელი ინფორმაციით, პანკისში, სადაც, სავარაუდოდ ტერორისტულ დაჯგუფება “ალ-ქაიდას”-თან კავშირში მყოფი პირები აფარებენ თავს, ვითარება დაიძაბა.
30 აპრილს პანკისის ხეობაში ორი ჩეჩენის გვამი იპოვეს. ერთ-ერთი მათგანი საქართველოს
რამდენიმე სამხედრო მაღალჩინოსანს ჩეჩნებისთვის იარაღის მიწოდებაში ადანაშაულებდა.
პაატა გომელაურის განცხადებით, ჩეჩენი ბოევიკების დაღუპვა გვიჩვენებს, რომ სიტუაცია ჩვეულებრივზე დაძაბულია, მაგრამ “საქართველოს შსს-ს შენაერთები ხეობაში თავისუფლად გადაადგილდებიან, რაც იმას მოწმობს, რომ ჩვენ სიტუაციას ვაკონტროლებთ.”