ახალი ამბები
პრეზედენტი შევარდნაძე, ოფიციალური ვიზიტით რუმინეთში მიემგზავრება
დღეს, საქართველოს პრეზიდენტი ედუარდ შევარდნაძე, ორდღიანი ოფიციალური ვიზირით რუმინეთში მიემგზავრება. ედუარდ შევარდნაძე, რუმინეთის პრეზიდენტთან იონ ილიესკუსთან შეხვედრისას ყურადღებას რუსეთის მიერ ეუთო-ს, 1999 წლის, სტამბოლის სამიტზე, საქართველოდან სამხედრო ბაზების გაყვანის თაობაზე ნაკისრი ვალდებულების შესრულებას დაუთმობს. როგორც ცნობილია, რუმინეთი ეუთო-ს მოქმედი თავჯდომარეა. მოლაპარაკებებისას, საქართველოსა და რუმინეთის პრეზიდენტები, ასევე ორ ქვეყანას შორის სატრანსპორტო თანამშრომლობის განვითარებაზე ისაუბრებენ. ყურადღებას კი, ენერგომატარებლების ტრანსპორტირების საკითხებზე გაამახვილებენ. რუმინეთი “აბრეშუმის გზის” და “ტრასეკას” პროექტების აქტიური მონაწილეა.