რუსეთმა გაზის მოწოდება განაახლა

დღეს რუსეთმა საქართველოსა და სომხეთს ბუნებრივი აირის მოწოდება აღუდგინა, იუწყება საქართველოს ნავთობისა და გაზის კორპორაცია.  

”გაზპრომმა” უკვე დაასრულა სარეაბილიტაციო სამუშაოები ჩრდილოეთ-სამხრეთის მაგისტრალურ გაზსადენზე, რის გამოც საქართველოს და სომხეთს გაზის მოწოდება ორი დღით, 17 აპრილიდან შეუწყდა.

ორი დღის განმავლობაში საქართველო შაჰ-დენიზის საბადოდან იღებდა გაზრდილი მოცულობით 4 მლნ კუბურ მეტრ ბუნებრივ აირს.

ნავთობისა და გაზის კორპორაციის ინფორმაციით, აღნიშნული მოცულობა 20 აპრილამდე შენარჩუნდება, შემდგომში კი ”შაჰ-დენიზის” გაზის მოცულობა1 მლნ კუბურ მეტრამდე შემცირდება, როგორც აქამდე იყო.

This post is also available in: English (ინგლისური) Русский (რუსული)