News Corporation და ტელეკომპანია „იმედი“ ხელშეკრულებას აწერენ ხელს
რუპერტ მერდოკის მედია–გიგანტი News Corporation-ი ქართული მედია ჰოლდინგის „იმედის“ ოფიციალური პარტნიორი გახდა მას შემდეგ, რაც ორმა კომპანიამ საბოლოო შეთანხმებას მოაწერეს ხელი, იტყობინებოდა ტელეკომპანია „იმედი“ 16 აგვისტოს.
„ჩვენ დავასრულეთ რამდენიმე თვიანი სამუშაო და News Corporation-თან ხელი მოვაწერეთ ხელშეკრულებას პარტნიორული ურთიერთობების შესახებ“, – განაცხადა ჰოლდინგი „იმედის“ მფლობელმა ბადრი პატარკაციშვილმა ლონდონში ხელშეკრულების ხელმოწერის შემდეგ.
წინასწარ შეთანხმებას ქართული ჰოლდინგის აქციების შესყიდვის თაობაზე ბადრი პატარკაციშვილმა და რუპერტ მერდოკმა 28 აპრილს ნიუ-იორკში მოაწერეს ხელი. თუმცა, გარიგების დეტალები კონფიდენციალური რჩება.
„იმედი“ ჰოლდინგი ტელევიზიას და რადიოსადგურს აერთიანებს.
This post is also available in: English (ინგლისური) Русский (რუსული)
