იანვარ-სექტემბერში საერთაშორისო მოგზაურთა რაოდენობა 43%-ით გაიზარდა
ტურიზმის ეროვნულმა ადმინისტრაციამ განაცხადა 23 ოქტომბერს, რომ იანვარ-სექტემბერში საქართველოს 5.57 მილიონი საერთაშორისო მოგზაური ეწვია, რაც პანდემიამდე პერიოდის მონაცემების 76.9%-იანი აღდგენაა, 2022 წელთან შედარებით კი ზრდამ 43% შეადგინა.
2023 წლის მესამე კვარტლის მდგომარეობით 2.7 მილიონი საერთაშორისო მოგზაურის ვიზიტი შედგა, რაც პანდემიამდე პერიოდის მონაცემების 80.2%-იანი აღდგენაა, 2022 წელთან შედარებით ზრდა +19.4%-ს შეადგენს.
ამასთან, ცხრა თვეში საერთაშორისო ტურისტული ვიზიტების რაოდენობამ 3.6 მილიონი შეადგინა, რაც 2019 წლის მონაცემის 91.6%-იანი აღდგენაა, 2022 წელთან შედარებით ზრდა 35.2%-ია.
2023 წლის ივლისი-სექტემბრის პერიოდში საქართველოში 1.7 მილიონი საერთაშორისო ტურისტული ვიზიტი შედგა, რაც 2019 წლის მონაცემის 92.6%-იანი აღდგენაა, 2022 წელთან შედარებით კი ზრდა 15.4%-ია.
ტურიზმის ეროვნულმა ადმინისტრაციამ განაცხადა, რომ „საერთაშორისო მოგზაურებისა და საერთაშორისო ტურისტული ვიზიტების რაოდენობა გამოითვლება მსოფლიო ტურიზმის ორგანიზაციის რეკომენდაციით შემუშავებული მეთოდოლოგიის მიხედვით და მოიცავს უკვე განხორციელებულ და დასრულებულ ვიზიტებს“.
ასევე წაიკითხეთ:
This post is also available in: English (ინგლისური) Русский (რუსული)