ილია დარჩიაშვილი ესტონელ კოლეგას ტელეფონით ესაუბრა

საქართველოს საგარეო საქმეთა მინისტრი, ილია დარჩიაშვილი 11 იანვარს ესტონელ კოლეგას ურმას რეინსალუს ტელეფონით ესაუბრა და ორ ქვეყანას შორის „ნაყოფიერ თანამშრომლობაზე“ იმსჯელა.

ილია დარჩიაშვილმა Twitter-ზე დაწერა, რომ საუბრისას მხარეებმა საქართველოს ევროპული მისწრაფებების მიმართ ესტონეთის ურყევი მხარდაჭერის მნიშვნელობა აღნიშნეს. „ხაზი გავუსვით საქართველოსათვის ევროკავშირის კანდიდატის სტატუსის მინიჭების მნიშვნელობას“, – დასძინა მანვე.

Had a ☎️ call with Estonian FM @UrmasReinsalu today. We spoke about the fruitful cooperation between our countries, focusing on the importance of 🇪🇪's unwavering support for 🇬🇪's European aspirations. We also highlighted the significance of granting 🇬🇪 EU candidate status. pic.twitter.com/gWsQqEChGk

— Ilia Darchiashvili (@iliadarch) January 11, 2023

თავის მხრივ, ურმას რეინსალუმ ასევე Twitter-ზე დაწერა, რომ ქართველ კოლეგასთან უკრაინაში რუსეთის მიერ დაწყებული ომის შეჩერებასა და უკრაინის დახმარებაზე იმსჯელა.

მისივე თქმით, ილია დარჩიაშვილთან პატიმრობაში მყოფი საქართველოს ყოფილი პრეზიდენტის, მიხეილ სააკაშვილის ჯანმრთელობის მდგომარეობის გამო შეშფოთება გამოხატა და ხელისუფლებას მისი უცხოეთში სამკურნალოდ გადაყვანისკენ მოუწოდა.

I discussed stopping Russia’s war in #Ukraine & needed aid to 🇺🇦 during a 📞 call w/ #Georgia FM @iliadarch today.
I said that 🇪🇪 stands with 🇬🇪 on their path to #EU🇪🇺.
I also expressed concern over the health of @SaakashviliM & called to give opportunity for his treatment abroad

— Urmas Reinsalu (@UrmasReinsalu) January 11, 2023

This post is also available in: English (ინგლისური) Русский (რუსული)