„ტვ. პირველის“ ჟურნალისტებისთვის საქმიანობაში ხელშეშლაზე გამოძიება დაიწყო
სპეციალურმა საგამოძიებო სამსახურმა 20 დეკემბერს განაცხადა, რომ დღეს, ფონიჭალის ტერიტორიაზე ნარკორეალიზატორების დაკავების სპეცოპერაციისას „ტელეკომპანია პირველის“ ჟურნალისტებისთვის საქმიანობაში ხელშეშლის ფაქტზე გამოძიება დაიწყო.
გამოძიება საქართველოს სისხლის სამართლის კოდექსის 154-ე მუხლი I ნაწილით მიმდინარეობს, რაც ჟურნალისტისათვის პროფესიულ საქმიანობაში უკანონოდ ხელის შეშლას გულისხმობს და ისჯება ჯარიმით ან საზოგადოებისათვის სასარგებლო შრომით ვადით 120-140 სთ-მდე ან 2-წლამდე გამასწორებელი სამუშაოთი ანდა 6 თვიდან 2-წლამდე შინაპატიმრობით.
„ტვ. პირველის“ ჟურნალისტის თქმით, სპეცოპერაციისას დაკავებული ერთ-ერთი პირის ოჯახის ახლობელმა მათ ჯერ სიტყვიერი შეურაცხყოფა მიაყენა, შემდეგ კი – ფიზიკური ძალადობა სცადა. ტელეკომპანიის მიერ გავრცელებულ კადრებში ჩანს, რომ მამაკაცი კამერის მიმართულებით ხელს იქნევს და ჟურნალისტების მისამართით იგინება.
ასევე წაიკითხეთ:
This post is also available in: English (ინგლისური) Русский (რუსული)
