ახალი ამბები

იანვარ-მარტში საგარეო ვაჭრობა 37.9%-ით გაიზარდა

საქართველოს სტატისტიკის ეროვნული სამსახურის მიერ 19 აპრილს გამოქვეყნებული წინასწარი მონაცემებით, 2022 წლის იანვარ-მარტში, წინა წლის შესაბამის პერიოდთან შედარებით, საგარეო ვაჭრობა 37.9%-ით გაიზარდა და 3.87 მლრდ აშშ დოლარი გახდა.

43.3%-ით – 1.17 მლრდ აშშ დოლარამდე გაიზარდა ექსპორტი, 35.7%-ით – 2.7 მლრდ აშშ დოლარამდე კი – იმპორტი. უარყოფითი სავაჭრო ბალანსი 1.52 მლრდ აშშ დოლარი იყო, რაც მთლიანი საგარეო სავაჭრო ბრუნვის 39.4%-ია.

წყარო: საქსტატი

562.4 მლრდ აშშ დოლარით საქართველოს უმსხვილესი სავაჭრო პარტნიორი იყო თურქეთი. შემდეგ მოდიან ჩინეთი – 461.9 მლნ აშშ დოლარით; რუსეთი – 383.3 მლნ აშშ დოლარით; აზერბაიჯანი – 355.4 მლნ აშშ დოლარით; აშშ – 213.1 მლნ აშშ დოლარით.

ექსპორტის კუთხით საქართველოს უმსხვილესი პარტნიორი იყო ჩინეთი 220 მლნ აშშ დოლარით. შემდეგ მოდიან – აზერბაიჯანი – 125.4 მლნ აშშ დოლარით; რუსეთი – 109.8 მლნ აშშ დოლარით; თურქეთი – 99.2 მლნ აშშ დოლარით და ბულგარეთი – 94.7 მლნ აშშ დოლარით.

რაც შეეხება იმპორტს, საქართველოს უმსხვილესი სავაჭრო პარტნიორები იყვნენ – თურქეთი, ჩინეთი, რუსეთი, აზერბაიჯანი და აშშ – 562.4 მლნ აშშ დოლარით, 461.9 მლნ აშშ დოლარით, 383.3 მლნ აშშ დოლარით, 355.4 მლნ აშშ დოლარით და 213.1 მლნ აშშ დოლარით.

წყარო: საქსტატი

საანგარიშო პერიოდში, ექსპორტში უმსხვილეს სასაქონლო ჯგუფების სათავეში სპილენძის მადნები და კონცენტრატები იყო 271 მლნ აშშ დოლარით. შემდეგ მოდიან: ფეროშენადნობები – 160.1 მლნ აშშ დოლარით; მსუბუქი ავტომობილები – 94.9 მლნ აშშ დოლარით; აზოტოვანი სასუქები – 76.5 მლნ აშშ დოლარით; ყურძნის ნატურალური ღვინოები – 45.8 მლნ აშშ დოლარით; მინერალური და მტკნარი წყლები – 32.7 მლნ აშშ დოლარით; სამკურნალო საშუალებები დაფასოებული – 28.3 მლნ აშშ დოლარით; სპირტიანი სასმელები – 23 მლნ აშშ დოლარით; ძვირფასი ლითონების მადნები და კონცენტრატები – 22 მლნ აშშ დოლარით; ოქრო – 21.4 მლნ აშშ დოლარით; დანარჩენი საქონელი – 395.9 მლნ აშშ დოლარით.

იმპორტში უმსხვილესი სასაქონლო ჯგუფების სათავეშია ნავთობი და ნავთობპროდუქტები 244.5 მლნ აშშ დოლარით; შემდეგ მოდიან – სპილენძის მადნები და კონცენტრატები – 222.5 მლნ. აშშ დოლარით; მსუბუქი ავტომობილები – 211 მლნ აშშ დოლარით; ნავთობის აირები და სხვა აირისებრი ნახშირწყალბადები – 184.2 მლნ აშშ დოლარით; სამკურნალო საშუალებები დაფასოებული – 85.2 მლნ აშშ დოლარით; სატელეფონო აპარატები – 63.6 მლნ აშშ დოლარით; გამომთვლელი მანქანები და მათი ბლოკები – 42.3 მლნ აშშ დოლარით; ელექტროენერგია – 29.9 მლნ აშშ დოლარით; წნელები ნახშირბადიანი ფოლადისაგან, შემდგომი დამუშავების გარეშე – 23.4 მლნ აშშ დოლარით; პოლიაცეტალები, პოლიეთერები მარტივი სხვა და ფისები ეპოქსიდისა პირველადი ფორმებით – 20.8 მლნ აშშ დოლარით; დანარჩენი საქონელი – 1.6 მლრდ აშშ დოლარით.

ასევე წაიკითხეთ:

Back to top button