ახალი ამბები

საქართველოს მორაგბეთა ნაკრები რვა ერის ტურნირზე ითამაშებს

საქართველოს მორაგბეთა ნაკრები – „ლელოები“ – 2020 წლის შემოდგომაზე რვა ერის გათამაშებაში მიიღებს მონაწილეობას. ინფორმაცია საქართველოს რაგბის კავშირმა 10 სექტემბერს დაადასტურა.

საქართველოს ნაკრები ტურნირზე სათამაშოდ იაპონიის ნაცვლად მიიწვიეს, რომელმაც სპორტულ ღონისძიებაში მონაწილეობაზე უარი COVID-19 პანდემიასთან დაკავშირებული სირთულეების გამო თქვა.

ტურნირზე გუნდები ორ კალათად დაიყოფიან. საქართველოს ნაკრები უელსის, ინგლისისა და ირლანდიის ნაკრებებთან ერთ კალათში გამწესდება.

საქართველოს რაგბის კავშირის თქმით, ტურნირში მონაწილეობა ქართული რაგბის აღიარებაა.

This post is also available in: English (ინგლისური) Русский (რუსული)

Back to top button