მცხეთა-მთიანეთის რეგიონს ახალი გუბერნატორი ჰყავს

პრემიერ-მინისტრის განკარგულების შესაბამისად, მცხეთა-მთიანეთში სახელმწიფო რწმუნებულად – გუბერნატორად ლევან ზაუტაშვილი დაინიშნა.

ახალი გუბერნატორი მუშაობას ოფიციალურად დღეიდან შეუდგება. 

მთავრობის ადმინისტრაციის ინფორმაციით, ლევან ზაუტაშვილი 2013-2017 წლებში იყო „კასტელ ჯორჯიას" გენერალური დირექტორი, ასევე – მუშაობდა მსოფლიო ბანკის პროექტებში. 

რწმუნებულის თანამდებობაზე ლევან ზაუტაშვილმა  შეცვალა გოჩა ზეიკიძე, რომელიც მცხეთა-მთიანეთის გუბერნატორად 2016 წლის მარტიდან 2017 წლის ივნისის ბოლომდე მუშაობდა.

მთავრობის ადმინისტრაციის განცხადებაში ზეიკიძის მიერ თანამდებობის დატოვების მიზეზები განმარტებული არ არის.

This post is also available in: English (ინგლისური)