ნატო სამხრეთ ოსეთის არჩევნებს და რეფერენდუმს არ აღიარებს
„ნატო არ აღიარებს საქართველოს სამხრეთ ოსეთის რეგიონში კვირას ჩატარებულ ე.წ. საპრეზიდენტო არჩევნებს და რეფერენდუმს“, განაცხადა ნატოს პრესსპიკერმა ოანა ლუნგესკუმ 10 აპრილს.
#NATO doesn’t recognize so-called pres. elections nor referendum in South Ossetia region of #Georgia. My statement: https://t.co/MoTWW9ZvKZ pic.twitter.com/vW0oJ3D4sJ
— Oana Lungescu (@NATOpress) April 10, 2017
„რეგიონის სახელის ან სტატუსის შეცვლისკენ გადადგმული ცალმხრივი ნაბიჯები ზიანის მომტანია იმ ძალისხმევისთვის, რომელიც საქართველოში სიტუაციის ხანგრძლივი მოგვარებისკებაა მიმართული“, – განაცახდა მან.
ლუნგესკუმ ასევე დასძინა, რომ ალიანსი არ აღიარებს სეპარატისტულ აფხაზეთს და სამხრეთ ოსეთს დამოუკიდებელ სახელმწიფოებად და სრულ მხარდაჭერას უცხადებს საქართველოს სუვერენიტეტს და ტერიტორიულ მთლიანობას მის საერთაშორისოდ აღიარებულ საზღვრებში.
