ქართველმა სამართალდამცავებმა ოსი მოქალაქე დააკავეს

გენადი ფილიევი, ”ოსური უკანონო  ბანდფორმირების წევრი” შიდა ქართლის სამხარეო პოლიციის თანამშრომლებმა ავტომატური ცეცხლსასროლი იარაღით და ხელყუმბარებით შეიარაღებული 4 იანვარს სოფელ ნიქოზში დააკავეს, იტყობინება საქართველოს შინაგან საქმეთა სამინისტრო 5 იანვარს თავის მოკლე განცხადებაში.

იმავდროულად, სეპარატისტული სამხრეთ ოსეთის ბეჭდვისა და მასობრივი ინფორმაციების სამინისტრო ადგილობრივ საინფორმაციო სააგენტოებზე დაყრდნობით ავრცელებს ინფორმაციას, რომ ფილიევის [ოსური მხარე ცნობაში გვარს ფლიევად მოიხსენიებს] ”გატაცება” ქართული სპეცსამსახურების მორიგი პროვოკაციაა.

ამავე ცნობით, დაკავებულს 4 იანვარს თავს დაესხა ხუთკაციანი ჯგუფი ქალაქ ცხინვალის გარეუბანში – შანხაიში, როცა ეს უკანასკნელი დილით ვარჯიშობდა.

This post is also available in: English Русский