ახალი ამბები
კარასინი ნოღაიდელს შეხვდა
რუსეთის საგარეო საქმეთა მინისტრის მოადგილე გრიგორი კარასინი 27 ოქტომბერს მოსკოვში ოპოზიციური მოძრაობა სამართლიანი საქართველოს ლიდერს, ყოფილ პრემიერ-მინისტრს ზურაბ ნოღაიდელს შეხვდა.
რუსეთის საგარეო უწყების ცნობით, შეხვედრაზე განხილული იყო რუსულ-ქართული გართულებული ურთიერთობები და ასევე სამხრეთ კავკასიის რეგიონული პრობლემები.
ზურაბ ნოღაიდელი მოსკოვში 25 ოქტომბრიდან სამდღიანი ვიზიტით იმყოფება. მისი თქმით, ვიზიტისას ”სახალხო დიპლომატიის” ფარგლებში ის მოლაპარაკებებს აწარმოებს ქართულ, აფხაზურ და ოსურ დიასპორასთან.
