ახალი ამბები
გაჩეჩილაძე მიესალმება კიწმარიშვილის განცხადებებს
ლევან გაჩეჩილაძემ პრეზიდენტობის ყოფილმა კანდიდატმა გაერთიანებული ოპოზიციიდან რუსეთში საქართველოს ყოფილ ელჩს ეროსი კიწმარიშვილს მოუწოდა ”გააგრძელოს სიმართლის თქმა”.
”რა თქმა უნდა, უსაფრთხოების თვალსაზრისითაც სარისკოა, მაგრამ ეს აუცილებელია,” – განაცხადა მან სატელეფონო ჩართვისას ტელეკომპანია ”კავკასიის” ეთერში, სადაც კიწმარიშვილი იყო მიწვეული საპარლამენტო კომისიაზე დაკითხვის შემდეგ.
გაჩეჩილაძემ ასევე მიუწოდა ხელისუფლების სხვა წევრებსაც სიმართლე თქვან.
”სულ 5-10 ან 15 კაცშია პრობლემა [ხელისუფლებაში], ჩემო კარგებო, თუ ჩვენ დავდგებით საქართველოს სადარაჯოზე და ეს ეხება იმ ხალხსაც ვინც დღეს წელს უმაგრებს დღევანდელ დამნაშავე ხელისუფლებას, მაშინ საქართველო გადარჩება, თუ არადა ჩვენ ვერ მოვახერხებთ საქართველოს გადარჩენას,” – განაცხადა გაჩეჩილაძემ.