ახალი ამბები
საქართველო ვადამდე გააუქმებს საომარ მდგომარეობას
ხვალ საქართველოს პარლამენტი საომარი მდგომარეობის გაუქმების შესახებ გადაწყვეტილებას მიიღებს, განაცხადა დავით ბაქრაძემ, პარლამენტის თავმჯდომარემ ბიუროს სხდომაზე 2 სექტემბერს.
თუმცა, მისი თქმით, ქვეყნის იმ რაიონებში, სადაც რუსული საოკუპაციო ჯარი კვლავ იმყოფება, მათ შორის აფხაზეთსა და სამხრეთ ოსეთში საგანგებო მდგომარეობა გამოცხადდება.
საქართველოში საომარი მდგომარეობა 15 დღით 9 აგვისტოს გამოცხადდა და ის კიდევ ორი კვირით, 8 სექტემბრამდე გაგრძელდა პარლამენტის 23 აგვისტოს გადაწყვეტილებით.