ფოთში კვლავ რუსი სამხედროების და ტექნიკის მობილიზაცია ხდება

ფოთში საქართველოს სანაპირო დაცვის ბაზაზე დღეს დილიდან კვლავ შევიდნენ რუსი სამხედროები.

საქართველოს სასაზღვრო პოლიციის ცნობით, ამჟამად ბაზაზე იმყოფება რუსეთის რეგულარული არმიის  კუთვნილი 23 ერთეული “ურალის” ტიპის ავტომანქანა და 2 ჯავშანტრანსპორტიორი. სანაპირო დაცვის ბაზის სიახლოვეს დაეშვა ასევე რუსების კუთვნილი 2 სამხედრო ვერტმფრენი.

რუსი სამხედროები ბოლო დღეებში განმავლობაში ყოველდღე შედიან სანაპირო დაცვის ბაზაზე და ანადგურებენ აღჭურვილობას. მათ ჩაძირეს 4 კატარღა და მწყობრიდან გამოიყვანეს სარადარო დანადგარები.

This post is also available in: English (ინგლისური) Русский (რუსული)