ახალი ამბები
სააკაშვილის თქმით, რუსეთმა ნავთობსადენი დაბომბა
თბილისში 12 აგვისტოს უცხოელი ჟურნალისტებისთვის გამართულ პრესკონფერენციაზე საუბრისას პრეზიდენტმა სააკაშვილმა განაცხადა, რომ რუსეთმა საჰაერო დარტყმა განახორციელა ნავთობსადენზე, რომლის ოპერატორი კომპანია BP-ია.
დღეს დილით საქართველოს ხელისუფლების წარმომადგენლებმა განაცხადეს, რომ რუსულმა სამხედრო თვითმფრინავებმა სამი ჭურვი ჩამოაგდეს იმ ტერიტორიაზე, სადაც ბაქო-სუფსის ნავთობსადენი გადის. ასევე ვრცელდებოდა ინფორმაცია, რომ ერთი ბომბი ნავთობსადენს მოხვდა, თუმცა არ აფეთქდა.
თუმცა, BP-აზერბაიჯანმა განაცხადა, რომ მას არ გააჩნია ინფორმაცია დაბომბვის თაობაზე.
”ჩვენი ყველა ობიექტი ხელშეუხებელია და ამგვარი ინფორმაცია არ გაგვაჩნია,” – იტყობინება ”როიტერი” BP-ის წარმომადგენელზე დაყრდნობით.