ვაკისა და დიდუბის ოლქებში შუალედური არჩევნები 4 ოქტომბერს ჩატარდება
საქართველოს პარლამენტის 21 მაისის არჩევნების მაჟორიტარული საარჩევნო სისტემით ვაკისა და დიდუბის საარჩევნო ოლქებში შუალედური არჩევნები 4 ოქტომბერს ჩატარდება.
შესაბამისი განკარგულება ცენტრალურმა საარჩევნო კომისიამ (ცესკო) 4 აგვისტოს გამართულ სხდომაზე მიიღო.
ვაკისა და დიდუბის საარჩევნო ოლქებში შუალედური არჩევნების დანიშვნა მას შემდეგ დადგა დღის წესრიგში, რაც 21 მაისს ჩატარებული საპარლამენტო არჩევნების შედეგად გამარჯვებულმა კანდიდატებმა – ახალი მემარჯვენეების ლიდერმა დავით გამყრელიძემ და ამავე პარტიის წევრმა დავით საგანელიძემ – უარი განაცხადეს სადეპუტატო მანდატებზე, არჩევნების არაობიექტურად ჩატარების მოტივით.
დღესვე ახალი მემარჯვენეების წევრმა მანანა ნაჭყებიამ ტელეკომპანია ”რუსთავი2”-ს განუცხადა, რომ პარტია შუალედურ არჩევნებში მონაწილეობას არ აპირებს.
4 ოქტომბერს ასევე დაგეგმილია აჭარის უმაღლესი საბჭოს არჩევნები.
