ოსურმა მილიციამ დაკავებული ქართველი პიროვნება გაათავისუფლა

სამხრეთ ოსეთის დე ფაქტო ხელისუფლებამ 24 ივლისს, ოთხდღიანი პატიმრობის შემდეგ თემურ გოგინაშვილი გაათავისუფლა.

ცხინვალის ინფორმაციით, გოგინაშვილი მკვლელობაში იყო ეჭვმიტანილი, რომელიც სავარაუდოდ 90-იანი წლების დასაწყისის შეიარაღებული კონფლიქტის დროს ჩაიდინა.

”ამ კაცს არანაირ 90-იან წლებში არანაირი ბრალი არ მიუძღვოდა,” – განაცხადა მამუკა ყურაშვილმა, საქართველოს შეიარაღებული ძალების სამშვიდობო ოპერაციების შტაბის უფროსმა, გოგინაშვილის გათავისუფლების შემდეგ, ”შიგადაშიგ ოსურ მხარეს სჭირდება დაძაბულობის შეტანა და ერთ-ერთი ელემენტი იყო ამ კაცის დაკავება”.