ახალი ამბები
სააკაშვილი ბრიუსელში სოლანას შეხვდება
ევროკავშირის უმაღლესი კომისარი საგარეო პოლიტიკის საკითხებში ხავიერ სოლანა 19 ივნისს ბრიუსელში საქართველოს პრეზიდენტს მიხეილ სააკაშვილს შეხვდება.
”შეხვედრაზე განხილული იქნება ევროკავშირი-საქართველოს ურთიერთობები და საქართველოში და ზოგადად კავკასიაში ბოლო დროს განვითარებული მოვლენები,” – იტყობინება სოლანას პრესსამსახური 18 ივნისს.
ეს უკვე მეორე შეხვედრა იქნება სოლანას და სააკაშვილს შორის ბოლო ორი კვირის მანძილზე. 5-6 ივნისს სოლანა საქართველოს სტუმრობდა. ვიზიტის ფარგლებში იგი ასევე ჩავიდა აფხაზეთის თვითგამოცხადებულ რესპუბლიკაში.