საპარლამენტო კომიტეტების თავმჯდომარეები დასახელდა

ახალი მოწვევის პარლამენტი თავის მეორე სხდომას 11 ივნისს გამართავს და საპარლამენტო კომიტეტების თავმჯდომარეებს აირჩევს.

ცამეტივე საპარლამენტო კომიტეტს მმართველი პარტიის დეპუტატები უხელმძღვანელებენ. გარდა ამისა, დაგეგმილია ორი ახალი კომიტეტის შექმნა – სპორტისა და ახალგაზრდობის საკითხებზე და რეინტეგრაციის საკითხებზე. ამ ორი კომიტეტის თავმჯდომარეები იქნებიან გიორგი ასანიძე და ნუგზარ წიკლაური, შესაბამისად.

სხვა კანდიდატები არიან:

ადამიანის უფლებათა დაცვისა და სამოქალაქო ინტეგრაციის კომიტეტი – გიორგი არსენიშვილი, ყოფილი სახელმწიფო მინისტრი (შევარდნაძის მთავრობაში) და ყოფილი ელჩი ავსტრიაში;    

იურიდიულ საკითხთა კომიტეტი – პავლე კუბლაშვილი; 

საგარეო ურთიერთობათა კომიტეტი – ლაშა ჟვანია, ყოფილი ელჩი ისრაელში;

საფინანსო-საბიუჯეტო კომიტეტი – ზურაბ მელიქიშვილი, მმართველი პარტიის გენერალური მდივანი;

ევროპასთან ინტეგრაციის კომიტეტი – დავით დარჩიაშვილი, ფონდი ღია საზოგადოება – საქართველოს ყოფილი ხელმძღვანელი; 

განათლების, მეცნიერების და კულტურის კომიტეტი – გიორგი გაბაშვილი, ყოფილი კულტურის მინისტრი; 

დარგობრივი ეკონომიკისა და ეკონომიკური პოლიტიკის კომიტეტი – გიორგი მელაძე, თბილისის ყოფილი ვიცე-მერი;

გარემოს დაცვისა და ბუნებრივი რესურსების კომიტეტი – აკაკი ბობოხიძე, იმერეთის რეგიონის ყოფილი გუბერნატორი; 

აგრარულ საკითხთა კომიტეტი – გიორგი ღვინიაშვილი, თბილისის ყოფილი მთავარი პროკურორი;
 
ჯანმრთელობის დაცვისა და სოციალურ საკითხთა კომიტეტი – ოთარ თოიძე;

რეგიონული პოლიტიკის, თვითმმართველობის და მაღალმთიანი რეგიონების კომიტეტი – ვანო ხუხუნაიშვილი.  

გივი  თარგამაძე და ხათუნა გოგორიშვილი შეინარჩუნებენ თავიანთ პოსტებს და კვლავ თავდაცვისა და უშიშროების კომიტეტს და საპროცედურო საკითხთა და წესების კომიტეტს უხელმძღვანელებენ, შესაბამისად.