ახალი ამბები
სოლანა თბილისს და სოხუმს ეწვევა
ევროკავშირის უმაღლესი კომისარი საგარეო პოლიტიკის საკითხებში ხავიერ სოლანა 5-6 ივნისს საქართველოს ეწვევა, იტყობინება სოლანას პრესსამსახური.
ვიზიტის ფარგლებში სოლანა ასევე ესტუმრება სოხუმს და აფხაზეთის დე ფაქტო ხელისუფლების წარმომადგენლებს შეხვდება.
5 ივნისს სოლანა ბათუმში პრეზიდენტ სააკაშვილს შეხვდება. ასევე დაგეგმილია შეხვედრები საგარეო საქმეთა მინისტრთან ეკა ტყეშელაშვილთან, პრემიერ-მინისტრთან ლადო გურგენიძესთან და დავით ბაქრაძესთან, რომელიც სავარაუდოდ პარლამენტის ახალი თავმჯდომარე გახდება.