ახალი ამბები
ნათელაშვილი პოლონეთის და ლიტვის პრეზიდენტებს აკრიტიკებს
ლეიბორისტული პარტიის ლიდერმა შალვა ნათელაშვილმა პოლონეთისა და ლიტვის პრეზიდენტები ლეხ კაჩინსკი და ვალდას ადამკუსი პრეზიდენტ სააკაშვილისადმი მხარდაჭერის გამო გააკრიტიკა.
”კაჩინსკი და ადამკუსი – ეს ორი [პოლიტიკურად] გაბანკროტებული პრეზიდენტ სააკაშვილის ადვოკატები არიან,”- განაცხადა ნათელაშვილმა ტელეკომპანია ”კავკასიის” ეთერში 2 ივნისს.
მან ასევე განაცხადა, რომ პოლონეთში ნამდვილი დემოკრატიაა, რადგან პრემიერ-მინისტრი პრეზიდენტ კაჩინსკის მოწინააღმდეგე პარტიიდანაა. ”მაგრამ ისინი აქ სააკაშვილის ავტორიტარულ რეჟიმს უჭერენს მხარს,”- განაგრძო ნათელაშვილმა, ”იმიტომ, რომ მათ სჭირდებათ აქ ისეთი ვინმე, ვინც მათ მაგივრად შეუყეფს რუსეთს”.