ახალი ამბები
ახალ მემარჯვენეებს საარჩევნო ტაქტიკაზე გადაწყვეტილება არ მიუღიათ
ახალ მემარჯვენეებს ჯერ არ მიუღიათ გადაწყვეტილება დამოუკიდებლად გავლენ 21 მაისის საპარლამენტო არჩევნებზე, თუ ოპოზიციური კოალიციის ერთიანი სიით, განაცხადა დეპუტატმა მამუკა კაციტაძემ ახალი მემარჯვენეებიდან.
”საბოლოო გადაწყვეტილება ჯერ მიღებული არ არის,” – განაცხადა მან გაზეთ ”რეზონანსთან” ინტერვიუში 2 აპრილს, ”მოლაპარაკებების პროცესი კვლავ მიმდინარეობს”.
ხალხის პარტიის ლიდერმა კობა დავითაშვილმა 31 მარტს მიანიშნა, რომ ახალი მემარჯვენეები კოალიციის ერთიანი სიით აპირებდნენ არჩევნებში მონაწილეობას.
8 აპრილს პარტიების მიერ საარჩევნო ბლოკის შექმნის თაობაზე განაცხადების მიღების ვადა იწურება.
მამუკა კაციტაძემ ასევე განაცხადა, რომ მას სურს მაჟორიტარ დეპუტატად იყაროს კენჭი თავის მშობლიურ ამბროლაურის რაიონში.