ახალი ამბები
სამხრეთ ოსეთის და აფხაზეთის ლიდერები მოსკოვს სტუმრობენ
სამხრეთ ოსეთის და აფხაზეთის ლიდერები, ედუარდ კოკოითი და სერგეი ბაღაფში მოსკოვში იმყოფებიან, სადაც კონფლიქტების ზონებში ”დაძაბულობის ესკალაციის” საკითხებს განიხილავენ, იტყობინება ”ინტერფაქსი”.
4 ივნისს ”ინტერფაქსის” მოსკოვის ოფისში ორი სეპარატისტი ლიდერის პრესკონფერენცია გაიმართება.
სერგეი ბაღაფშმა 1 ივნისს განაცხადა, რომ თბილისი ”სამხრეთ ოსეთში სიტუაციის დესტაბილიზაციას” ახდენს და პირობა დადო, რომ აფხაზეთი დახმარებას აღმოუჩენს ცხინვალს საქართველოსთან საომარი მოქმედებების დაწყების შემთხვევაში.