ბურჯანაძე ქურთაში სამხრეთ ოსეთის ალტერნატიულ ლიდერს შეხვდება
პარლამენტის თავმჯდომარე ნინო ბურჯანაძე დღეს ცხინვალის რეგიონში მიემგზავრება, სადაც ქურთას რეზიდენციაში შეხვედრას გამართავს სამხრეთ ოსეთის ალტერნატიულ პრეზიდენტთან დიმიტრი სანაკოევთან.
3 მაისს ბურჯანაძემ ჟურნალისტებს განუცხადა, რომ სანაკოევთან საუბარი შეეხება თბილისის გეგმებს რეგიონში დროებითი ადმინისტრციულ-ტერიტორიული ერთეულის შექმნის თაობაზე.
მან ასევე გამოთქვა მზადყოფნა შეხვდეს რეგიონის სეპარატისტ ლიდერს ედუარდ კოკოითს.
ბურჯანაძის ვიზიტს ცხინვალის რეგიონში წინ უსწრებდა საპარლამენტო უმრავლესობის ლიდერების ანალოგიური ვიზიტი 3 მაისს.
ცხინვალის რეგიონს პრეზიდენტის ახალი ინიციატივის ფარგლებში ასევე სტუმრობდნენ საპარლამენტო ოპოზიციის – ”მრეწველებისა” და ”ახალი მემარჯვენეების” წარმომადგენლები, რომელთან ასევე გამართეს მოლაპარაკებები დიმიტრი სანაკოევთან.
თბილისიდან რეგიონში ჩასულ ყველა ძალას შეხვედრაზე უარი უთხრა სამხრეთ ოსეთის დე ფაქტო პრეზიდენტმა ედუარდ კოკოითმა.