ახალი ამბები
კარასინი მოსკოვში კოკოითს შეხვდა
რუსეთის საგარეო საქმეთა მინისტრის მოადგილე გრიგორი კარასინი 17 ნოემბერს მოსკოვში მყოფ ედუარდ კოკოითს შეხვდა და მას თვითგამოცხადებული სამხრეთ ოსეთის საპრეზიდენტო არჩევნებში “დამაჯერებელი“ გამარჯვება მიულოცა.
რუსეთის საგარეო უწყების ცნობით, შეხვედრაზე განიხილეს სეპარატისტული არჩევნების პარალელურად გამართული ალტერნატიული არჩევნების საკითხიც.
ასევე გამოითქვა შეშფოთება იმასთან დაკავშირებით, რომ კონფლიქტის მოგვარების თაობაზე მოლაპარაკებათა პროცესი ჩიხშია შესული და აღინიშნა მისი არსებულ ფორმატში განახლების საჭიროება.
