ანანი: გაერო განაგრძობს ძალისხმევას აფხაზეთის კონფლიქტის მოსაგვარებლად

გაეროს გენერალურმა მდივანმა კოფი ანანმა განაცხადა, რომ გაერო განაგრძობს ძალისხმევას აფხაზეთის კონფლიქტის მოგვარების მიზნით.

“ჩვენ ვერ მივაღწიეთ მნიშვნელოვან პროგრესს, როგორიც მე მინდოდა, მაგრამ ჩვენი ძალისხმევა გრძელდება“, – განაცხადა ანანმა 10 ოქტომბერს ჟენევაში გამართულ პრეს-კონფერენციაზე.

მან ასევე აღნიშნა, რომ გაეროს გენერალური მდივნის სპეციალური წარმომადგენელი საქართველოში ჰეიდი ტალიავინი განაგრძობს მუშაობას საქართველოს და რუსეთის მთავრობებთან ამ საკითხზე. “ისინი პერიოდულად ხვდებიან, აქ [ჟენევაში], [გაეროს გენერალური მდივნის] მეგობარი ქვეყნების შეხვედრაზე“, – დასძინა ანანმა.  

This post is also available in: English (ინგლისური) Русский (რუსული)