ზურაბიშვილი: 2006 წელი კონფლიქტების მოგვარებაში გადამწყვეტი იქნება

საგარეო საქმეთა მინისტრის სალომე ზურაბიშვილის განცხადებით, 2006 წელი ქვეყანაში კონფლიქტების მოგვარების საქმეში გადამწყვეტი იქნება.

სალომე ზურაბიშვილმა ეს განცხადება 6 ოქტომბერს პარლამენტში ორი  კომიტეტის – ევროპასთან ინტეგრაციის და საგარეო ურთიერთობის კომიტეტების – სხდომაზე გააკეთა, სადაც იგი სამინისტროში ჩატარებული სამუშაოების შესახებ ანგარიშით წარსდგა. მისი თქმით, აუცილებელია კონფლიქტების დარეგულირების ერთიანი სტრატეგიის შემუშავება, რომელშიც ჩართული იქნებიან საერთაშორისო ორგანიზაციები – ნატო, ეუთო, ევროკავშირი.

„საჭიროა ამ პროცესში რუსეთიც ჩაერთოს…“, – დასძინა საგარეო საქმეთა მინისტრმა.

ზურაბიშვილის თქმით, 2005 წლის ბოლომდე კონფლიქტების მოგვარების მიზნით საქართველოს  უნდა ჰქონდეს რეალური, ერთიანი სამოქმედო სტრატეგია.

This post is also available in: English (ინგლისური) Русский (რუსული)