თბილისი ცხინვალის წინააღმდეგ აგრესიის მზადებას უარყოფს

საქართველოს პრემიერ მინისტრმა ზურაბ ნოღაიდელმა აბსურდული უწოდა ცხინვალის ხელისუფლებისა და ზოგიერთი რუსი დეპუტატის იმ განცხადებებს, რომლის მიხედვითაც ქართული მხარე სამხრეთ ოსეთში ძალის გამოყენებისთვის ემზადება.

„თურმე [ედუარდ] კოკოითს [სამხრეთ ოსეთის თვითგამოცხადებული რესპუბლიკის პრეზიდენტი] ვლადიკავკაზში უთქვამს, რომ ქართული მხარე 15 სექტემბრისთვის აგრესიას ამზადებს; მსგავსი განცხადებები [ანდრეი ] კოკოშინმაც [რუსეთის დუმის დეპუტატი]. ეს არის აბსურდული განცხადებები. ჩვენ მოვამზადეთ სამშვიდობო გეგმა და ამ ბსურდული განცხადებების კეთებას უმჯობესი იქნება, რომ ამ სამშვიდობო ინიციატივებზე კონკრეტული წინადადებები მოგვაწოდონ,“ – განაცხადა ჟურნალისტებთან საუბრისას ნოღაიდელმა, რომელიც 4 აგვისტოს კახეთის რეგიონს სტუმრობდა.

This post is also available in: English (ინგლისური) Русский (რუსული)