დსთ-ს ქვეყნების რკინიგზის ხელმძღვანელები თბილისში შეიკრიბნენ

დღეს თბილისში დსთ-ს ქვეყნების სარკინიგზო ტრანსპორტის საბჭოს 41-ე ორდღიანი სხდომა დაიწყო, რომელსაც რუსეთის რკინიგზის ხელმძღვანელი გენადი ფადეევი თავმჯდომარეობს.

სხდომაზე, რომელიც დღეს პრემიერ-მინისტრმა ზურაბ ნოღაიდელმა გახსნა, განიხილება დსთ-ს სივრცეში რკინიგზის სფეროში თანამშრომლობის საკითხები. 

დაგეგმილია ასევე გენადი ფადეევის ორმხრივი მოლაპარაკებები საქართველოს პრეზიდენტთან მიხეილ სააკაშვილთან და პრემიერ–მინისტრთან ზურაბ ნოღაიდელთან, სადაც განიხილება აფხაზეთის გავლით საქართველო–რუსეთს შორის სარკინიგზო მიმოსვლის აღდგენის საკითხი.

This post is also available in: English (ინგლისური) Русский (რუსული)