ზურაბიშვილი: აშშ–ს ხელმძღვანელობის ვიზიტი იყო პროქართული და არა ანტირუსული

საქართველოს საგარეო საქმეთა მინისტრმა სალომე ზურაბიშვილმა დღეს კანცელარიაში გამართულ ბრიფინგზე განაცხადა, რომ ქართული და ამერიკული მხარეები უახლოეს მომავალში მოლაპარაკებებს დეტალურად გააგრძელებენ.

“[აშშ–ს სახელმწიფო მდივანმა] კონდოლიზა რაისმა შემომთავაზა, რომ ჯერ მე ვეწვიო ვაშინგტონს, ხოლო შემდეგ თვითონ ჩამოვა საქართველოში, რადგან [9–10 მაისს] შემდგარი ვიზიტის დროს დეტალებზე საუბრის საშუალება არ ყოფილა“, განაცხადა საგარეო საქმეთა მინისტრმა.

მისი თქმით, აშშ–ს პრეზიდენტის საქართველოში ვიზიტი “არ იყო ანტირუსული, ეს იყო პროქართული ვიზიტი და რეგიონში საქართველოს მხარდაჭერა“.

This post is also available in: English (ინგლისური) Русский (რუსული)