ახალი ამბები
სააკაშვილი რომში იტალიის პრემიერ-მინისტრს შეხვდა
საქართველოს პრეზიდენტი მიხეილ სააკაშვილი 4 მარტს რომში იტალიის პრემიერ-მინისტრს სილვიო ბერლუსკონის შეხვდა.
„იტალიაში ვიზიტს უწინარეს ყოვლისა ეკონომიკური მნიშვნელობა ჰქონდა. იტალიაში დიდი რაოდენობით თავისუფალი კაპიტალია და უნდა მივაღწიოთ, რომ ის ჩვენი ქვეყნის ეკონომიკაში ჩაიდოს. საამისოდ საქართველოში მართლაც კარგი შესაძლებლობებია“ , განაცხადა პრეზიდენტმა პრემიერ-მინისტრთან შეხვედრის შემდეგ.
იტალიის პრემიერ-მინისტრმა საქართველოში ჩამოსვლის სურვილი გამოთქვა, რასაც პრეზიდენტი მიხეილ სააკაშვილი მიესალმა და განაცხადა, რომ „ეს ძალზე მნიშვნელოვანი მოვლენაა“.
წინასწარი ინფორმაციით, იტალიის პრემიერ-მინისტრი საქართველოს მაისის თვეში ესტუმრება.