ახალი ამბები
სალომე ზურაბიშვილი ბრიუსელში გაემგზავრა
საქართველოს საგარეო საქმეთა მინისტრი სალომე ზურაბიშვილი დღეს ორდღიანი ვიზიტით ბრიუსელში გაემგზავრა. 1 მარტს მინისტრი ევროკავშირის და ევროპული პოლიტიკის ცენტრის წარმომადგენლებს შეხვდება.
ვიზიტის ფარგლებში დაგეგმილია სალომე ზურაბიშვილის და ერთიანი საგარეო და უსაფრთხოების პოლიტიკის საკითხებში ევროკავშირის უმაღლესი წარმომადგენლის, ხავიერ სოლანას შეხვედრა.
2 მარტს სალომე ზურაბიშვილი ნატოს გენერალურ მდივანს იაპ დე ჰოოპ სხეფერს შეხვდება.
„ბრიუსელში შეხვედრების დროს ჩვენ ვისაუბრებთ საქართველო-რუსეთის ურთიერთობების საკითხზე და ასევე მოვითხოვთ ორ ქვეყანას შორის საზღვარზე საერთაშორისო მონიტორინგის გაგრძელებას. განიხილება ასევე [ევროკავშირის] ერთიანი სამეზობლო პოლიტიკის საკითხები“, განაცხადა გამგზავრებამდე სალომე ზურაბიშვილმა.
