ახალი ამბები
აფხაზეთის ცსკ-ს ახალი თავმჯდომარე ჰყავს
საინფორმაციო სააგენტო “‘რია ნოვოსტის“ ცნობით, აფხაზეთის თვითგამოცხადებული რესპუბლიკის ცენტრალურმა საარჩევნო კომისიამ ბატალ ტაბაღუა კომისიის თავმჯდომარის პოსტზე აირჩია.
მანამდე ტაბაღუას იუსტიციის მინისტრის თანამდებობა ეკავა.
ახალმა 15-წევრიანმა ცსკ-მ თავმჯდომარის ასარჩევად პირველი სხდომა 14 დეკემბერს გამართა.
3 ოქტომბრის საპრეზიდენტო არჩევნების შედეგად გამოწვეული კრიზისის დროს ცსკ-ს რამდენიმე წევრი, მათ შორის კომისიის თავმჯდომარე, თანამდებობიდან გადადგა.
აფხაზეთის თვითგამოცხადებული რესპუბლიკის საარჩევნო კოდექსის თანახმად, ცსკ-ს შვიდ წევრს პრეზიდენტი ნიშნავს, დანარჩენ რვა წევრს კი – პარლამენტი.