ახალი ამბები
აჭარაში ორი ყოფილი მაღალჩინოსანი დააკავეს
აჭარის პროკურატურამ აჭარის ავტონომიური რესპუბლიკის ყოფილი მინისტრთა საბჭოს თავმჯდომარე რევაზ შამილაშვილი და ყოფილი ფინანსთა მინისტრი იაშა ჩავლეიშვილი 13 დეკემბერს ღამით დააკავა.
პროკურატურის წარმომადგენლების განცხადებით, ორივე მათგანს ბრალად ედება თანამდებობის ბოროტად გამოყენება და თანხების არამიზნობრივად ხარჯვა, რის გამოც აჭარის ბიუჯეტმა 1,100 მლნ ლარით იზარალა.
მიმდინარეობს გამოძიება. წინასწარი ინფორმაციით, ამ თანხებით ხდებოდა თბილისში 2003 წლის ნოემბერში აჭარის ყოფილი ლიდერის ასლან აბაშიძის პარტიის “დემოკრატიული აღორძინების“ მიერ ყოფილი პრეზიდენტის ედუარდ შევარდნაძის მხარდამჭერი მიტინგის ორგანიზება.