სვანეთში სტიქიამ ერთი ადამიანის სიცოცხლე შეიწირა

16 ივლისს მაღალმთიან სვანეთში, კერძოდ კი მესტიის რაიონში მომხდარი წყალდიდობისა და მეწყერის შედეგად ერთი ადგილობრივი მაცხოვრებელი დაიღუპა, ხოლო რამოდენიმე ადამიანი დაკარგულად ითვლება.

დღესვე საქართველოს პრემიერ-მინიტრი ზურაბ ჟვანია სვანეთში გაემგზავრა. ოფიციალური მონაცემებით, სტიქიამ უდიდესი ზარალი მიაყენა ხუთ სოფელს, რომლებიც ამ დრომდე მოწყვეტილია გარე სამყაროსაგან.

სპეციალური სამთავრობო კომისია დაადგენს იმ ზარალს, რომელიც მესტიის რაიონს სტიქიამ მიაყენა.

This post is also available in: English (ინგლისური) Русский (რუსული)