ახალი ამბები
თბილისში იტალიის საგარეო საქმეთა მინისტრი ჩამოდის
თბილისში სამდღიანი ოფიციალური ვიზიტით, დღეს, იტალიის საგარეო საქმეთა მინისტრი ფრანკო ფრატინი ჩამოდის. იგი შეხვედრებს გამართავს პრეზიდენტ მიხეილ სააკაშვილთან, პრემიერ-მინისტრ ზურაბ ჟვანიასა და თავის ქართველ კოლეგასთან სალომე ზურაბიშვილთან.
ვიზიტის დროს განხილული იქნება საქართველო-იტალიას შორის ორმხრივი და მრავალმხრივი თანამშრომლობის საკითხები სხვადასხვა სფეროში. იტალიის საგარეო საქმეთა მინისტრის თბილისში ვიზიტი 1 ივლისს დასრულდება.