ახალი ამბები
მოსკოვში ოთხმხრივ შეხვედრაზე სამხრეთ ოსეთის საკითხზე იმსჯელებენ
სახელმწიფო მინისტრი კონფლიქტების მოგვარების საკითხებში გოგა ხაინდრავა დღეს მოსკოვში გაემგზავრა. იგი მონაწილეობას მიიღებს შერეული საკონტროლო კომისიის შეხვედრაში, რომელიც ქართულ-ოსური კონფლიქტის ზონაში არსებულ ვითარებას განიხილავს.
გოგა ხაინდრავას განცხადებით, შეხვედრების დროს განხილული იქნება ასევე რუსეთ-საქართველოს შორის არსებული სხვა მნიშვნელოვანი საკითხები.
2 ივლისს მოსკოვში საქართველოს პრეზიდენტის მიხეილ სააკაშვილის ოფიციალური ვიზიტი იგეგმება. სააკაშვილი თავის რუს კოლეგას ვლადიმერ პუტინს შეხვდება.