აჭარის უმაღლესი საბჭოს არჩევნების საბოლოო შედეგები შეჯამებულია

27 ივნისს აჭარის უმაღლესმა საარჩევნო კომისიამ(უსკ) 20 ივნისის უმაღლესი საბჭოს არჩევნების შედეგები შეაჯამა, რის შედეგადაც 7%-იანი საარჩევნო ბარიერი მხოლოდ ორმა სუბიექტმა “სააკაშვილი-გამარჯვებულმა აჭარამ” 72,1%-ით და “ბერძენიშვილი – რესპუბლიკელებმა” 13, 51%-იანი მაჩვენებლით გადალახა.

მესამე შედეგი არჩვენა პარტიამ “მრეწველობა გადაარჩენს საქართველოს”- 5,01%; შემდეგ მოდის “დემოკრატიული სიმართლის პარტია” – 4,01%; მეხუთე ადგილს იკავებს ლეიბორისტული პარტია  – 1,26%, ხოლო მეექვსეს ბლოკი “ძლიერი აჭარა ერთიანი საქართველოსთვის”, რომელშიც “ქართველ ტრადიციონალისტთა კავშირი”, “ეროვნულ-დემოკრატიული პარტია” და “ქრისტიან-დემოკრატიული პარტია” იყო გაერთიანებული –  1,03%.

არჩევნებში მონაწილე დანარჩენმა 4-მა სუბიექტმა ერთ პროცენტზე ნაკლები ხმები დააგროვა.

აჭარაში ოფიციალურად დაფიქსირებული 158 421 კაციანი საარჩევნო სიიდან, არჩევნებში მონაწილეობა მხოლოდ 120 025-მა ამომრჩეველმა მიიღო.

უსკ-ს გადაწყვეტილებით გაუქმდა მხოლოდ ორი საარჩევნო უბნის შედეგები, რომელთაც საბოლოო მონაცემზე გავლენა ვერ იქონიეს.

12-ვე მაჟორიტარულ ოლქში მმართველის პარტიის “სააკაშვილი-გამარჯვებული აჭარას” მაჟორიტარმა კანდიდატებმა მოიპოვეს გამარჯვება.

შედეგად 30 წევრიან ერთპალატიან უმაღლესი საბჭოს  მაჟორიტარულ ფრთას პრეზიდენტის მხარდამჭერი 12 დეპუტატი შეავსებს, ხოლო პროპორციული სისტემისთვის განკუთვნილი 18 ადგილიდან 16-ი ასევე მმართველი პარტიის წარმომადგენლებს ერგებათ, 2 ადგილს კი ოპოზიციური “რესპუბლიკელი” დეპუტატები დაიკავებენ.