ახალი ამბები
ეუთო ქართულ და ოსურ მხარეებს მოლაპარაკებების განახლებისკენ მოუწოდებს
საქართველოში ეუთოს მისიის ხელმძღვანელმა როი რივმა 23 ივნისს გამართულ ბრიფინგზე განაცხადა, რომ სიტუაცია ქართულ-ოსური კონფლიქტის ზონაში კვლავ დაძაბულია.
მან ქართულ და ოსურ მხარეებს შერეული საკონტროლო კომისიის ფარგლებში მოლაპარაკებების განახლებისკენ მოუწოდა.
მოლაპარაკებები 21-22 ივნისს მოსკოვში იყო დაგეგმილი, თუმცა ოსური მხარის უარის გამო გადაიდო. თავდაპირველად, მოლაპარაკებები თბილისში 15-16 ივნისს უნდა გამართულიყო, თუმცა ასევე გადაიდო, რადგანაც ოსურმა მხარემ უარი განაცხადა თბილისში ჩამოსულიყო უსაფრთხოების მოსაზრებებიდან გამომდინარე.